Прамысловая кааперацыя, інавацыі ў IT, культурнае супрацоўніцтва. Некалькі дзясяткаў новых праектаў развіцця Саюзнай дзяржавы прапанавалі маладыя навукоўцы з Беларусі і Расіі. У Маскве праходзіць фінальны этап Конкурсу маладых экспертаў-міжнароднікаў. 40 маладых юрыстаў і эканамістаў прадставілі практычныя прапановы для будучай Саюзнай дзяржавы і Еўразійскага эканамічнага саюза.
Вячаслаў Сутырын, куратар Конкурсу маладых экспертаў-міжнароднікаў Саюзнай дзяржавы Беларусі і Расіі: "Вельмі шмат работ па міжнародным праве, але прыярытэт - гэта эканоміка і тэхналогіі. Радасна, што маладое пакаленне міжнароднікаў, яно акцэнтуе гэтую тэму, таму што фактычна, мы назіраем фарміраванне нейкага інтэлектуальнага пула лідараў, вакол Саюзнай дзяржавы, новага пакалення, якое ў далейшым можа весці Саюз Расіі і Беларусі да новых вяршыняў".
Пераможцы конкурсу прадставяць свае ідэі вядомым эканамістам, палітолагам, дыпламатам. Іх працы будуць не толькі апублікаваныя, але і ўключаныя ў распрацоўку новых праграм Саюзнай дзяржавы.
