У Мінтрансе дапускаюць магчымасць з'яўлення на беларускім рынку бюджэтнай авіякампаніі - прапановы распрацоўваюцца. Нагадаем, зрабіць пералёты з Беларусі больш даступнымі даручыў Кіраўнік дзяржавы ў Пасланні да беларускага народа і парламента.
Арцём Сікорскі, намеснік начальніка дэпартамента па авіяцыі Міністэрства транспарту і камунікацый Беларусі: "Ніхто не ставіць ніякія бар'еры для прыцягнення лаўкост-кампаній. Тыя выдаткі, якія яны нясуць на рэйсах, яны павінны чымсьці кампенсавацца. Ва ўсіх стаўка лётнай гадзіны аднолькавая, толькі адны свае выдаткі кампенсуюць за кошт зніжэння аэрапортавых збораў, змяншэння паслуг для пасажыраў, зніжэння ўзлётнай масы паветранага судна і г.д. Таксама на прыкладзе авіякампаніі "Перамога". Яе ж зацікавіў той пасажырапаток, які сфарміраваўся паміж Масквой і Мінскам. Калі будзе сфарміравана больш зручная для іх прапанова, яны вернуцца, як і любыя іншыя лаўкост-кампаніі".
