Уладзімір Апанасевіч з раніцы сустракае нарыхтоўшчыка. Нягледзячы на тое, што засушлівае надвор’е значна скараціла яблычны ўраджай, сям’я ўжо зрабіла нарыхтоўкі на зіму. А астатняе вырашылі ўсё ж такі здаць. Жартуюць, дадатковы заробак будзе не лішнім - дзецям на цукеркі.
У маршруце Мікалая Карсюка сёння 6 адрасоў. У вёсках Бабаевічы і Заполле. Да кожнага падвор’я паспее даехаць у час. У раённай спажыўкааперацыі працуюць гарачыя лініі - інфармацыя аператыўна трапляе да нарыхтоўшчыка.
З кожнага падворка сёлета атрымліваецца каля 10-15 мяшкоў, але ёсць і пастаянныя кліенты, да якіх нарыхтоўшчык ездзіць некалькі разоў на сезон.
Гэтаму яблыневаму саду больш за 60 гадоў, і кожнае лета ён пладаносіць. Сёлета гаспадар разлічвае сабраць з дрэў каля 2 тон яблыкаў, палову з іх плануе здаць.
Віктар Мардасевіч даўно жыве ў горадзе. Але ніколі не забываецца наведваць сядзібу бацькоўскую. Сад шчодра адорвае яблыкамі, грушамі і слівамі.
