Мінімум дэкарацый і тэатральных рэквізітаў! Галоўнае - акцёрскае майстэрства і рэжысёрская ідэя. Дзевяць конкурсных спектакляў прапанавалі юныя артысты на міжнародным дзіцячым тэатральным форуме "Крокі", які шосты раз праходзіць у Мінску. Ад казак да драматычных твораў. Спецыфіка фестывальнай праграмы гэтага года - беларускія спектаклі дзіцячых тэатральных студый і школ з розных рэгіёнаў краіны. Сярод іх: Мінск, Салігорск, Мазыр, Гродна, Бабруйск. Усяго каля 140 юных удзельнікаў! А калектыў з Малдовы паказаў спектакль "Кадыш" дыстанцыйна - у запісе.
Акрамя асноўнай тэатральнай праграмы, у рамках праекта "Крокі" адбыліся конкурс-тэатральнага майстэрства і майстар-клас па беларускім танцы.
V Мінскі міжнародны дзіцячы тэатральны форум "Крокі" падводзіць вынікі і закрывае заслону
31 марта 2022