Зіма - гарачая пара для камунальных службаў. У Мінску са снежнай стыхіяй змагаюцца амаль 150 адзінак тэхнікі і 1700 чалавек: ачышчаюць дарожнае пакрыццё, ліквідуюць гурбы, пасля асфальт апрацоўваюць рэагентамі. Асаблівую ўвагу камунальшчыкі надаюць тратуарам, пешаходным зонам каля пераходаў і на прыпыначных пунктах.
Падчас такога надвор'я Дзяржаўтаінспекцыя дае рэкамендацыі ўдзельнікам дарожнага руху. Вадзіцелям неабходна выбіраць бяспечную хуткасць, трымаць максімальную дыстанцыю, пазбягаць рэзкіх тармажэнняў і манеўраў за рулём, па магчымасці адмовіцца ад абгону.
