12 верасня аб'яўлены Днём супольнасці. У Мінску працягваецца работа Міжнароднага касмічнага кангрэса. Нагадаем, у ім удзельнічаюць сотні спецыялістаў, больш чым 80 касманаўтаў. Сёння ў праграме - наведванне інстытутаў, Нацыянальнай акадэміі навук, універсітэтаў і школ.
Боні Данбар, кіраўнік Асацыяцыі ўдзельнікаў касмічных палётаў (ЗША): "Сёння, у XXI стагоддзі, мноства краін выкарыстоўваюць космас з мірнымі даследчымі мэтамі. На арбіце пабывалі прадстаўнікі 38 дзяржаў. Думаю, за найбліжэйшае дзесяцігоддзе мы станем сведкамі таго, як і іншыя краіны пачнуць рэалізоўваць касмічныя праграмы і адпраўляць сваіх касманаўтаў на арбіту. У космас будуць адпраўляцца не толькі для даследаванняў, але і для турызму. Думаю, у гэтым стагоддзі мы станем сведкамі, што касманаўтыка развіваецца гэтак жа актыўна, як авіяцыя ў мінулым стагоддзі".
У пятніцу ўсе ўдзельнікі кангрэса разам высадзяць дрэвы. У Батанічным садзе з'явіцца Алея касманаўтаў. Завершыцца кангрэс у суботу.
