Пачаўся сезон пакосу воднай расліннасці. Традыцыйна зразаць падводныя расліны пачынаюць з цэнтральнай часткі горада, затым клінінг праводзяць на астатніх вадаёмах. Зараз спецыялісты працуюць на рацэ Свіслач у раёне Камсамольскага возера, а таксама на Цнянскім вадасховішчы. За дзень могуць сабраць да 15 тон багавіння. Рост раслін залежыць і ад надвор'я.
Пасля расліны здабываюць з вады, загружаюць у грузавікі і адпраўляюць на перапрацоўку ў кампост. Летась спецыялісты сабралі больш за 400 тон "падводнага ўраджаю".
