Чаму вопыт бальшавікоў актуальны? І як выкараніць стратэгію ўдушэння калектыўнага Захаду. Аб гэтым разважалі на традыцыйным мітынгу на плошчы Незалежнасці. Там жа некалькі соцень беларусаў усклалі кветкі ля падножжа помніка Леніну.
Гэта ўжо традыцыя: на кожную гадавіну Кастрычніцкай рэвалюцыі тут, ля Дома ўрада, збіраюцца грамадскія аб'яднанні, арганізацыі, прадстаўнікі вядучых заводаў і ўніверсітэтаў. Падзею 104-гадовай даўнасці паважае і моладзь. На сходзе выступілі і ідэйныя камуністы, якія падкрэслілі важнасць замацаваных у 1917-м годзе праў, напрыклад, на бясплатную агульную і прафадукацыю, права на працу і бясплатнае медзабеспячэнне. Акрамя таго, успаміналі ваенны вопыт і маналітнасць грамадства ў тыя гады.
На ўрачыстым сходзе прынялі і рэзалюцыю ў гонар гадавіны свята.
