У Мінску на МКАД перакуліўся аўтамабіль - адзін чалавек шпіталізаваны з траўмамі

На мінскай кальцавой у выніку ДТЗ перакуліўся аўтамабіль. Згодна з папярэдняй інфармацыяй, 31-гадовы вадзіцель грузавіка DAF рухаўся ў раёне 22-га кіламетра знешняга кальца, падчас перастраення сутыкнуўся з аўтамабілем Škoda. Ад удару легкавую машыну адкінула на суседнюю паласу, дзе яна ў сваю чаргу пратараніла Nissan. У выніку сутыкнення апошняе аўто вынесла за межы праезнай часткі - машына перакулілася. 49-гадовая пасажырка Nissan з траўмамі шпіталізаваная. Дакладныя акалічнасці здарэння высвятляюцца.