Казачная і добрая пераднавагодняя акцыя "Нашы дзеці" працягвае дарыць свята хлопчыкам і дзяўчынкам па ўсёй краіне. Так, у Івацэвіцкім раёне сёння далі сапраўдны баль.
У рэзідэнцыі Пуслоўскіх сабралі самую таленавітую моладзь вобласці. На паркет выйшлі пары ў вячэрніх уборах: дзяўчаты ў доўгіх сукенках і юнакі ў смокінгах. Усяго 25 пар. Палац Пуслоўскіх у горадзе Косаве ўзвялі ў 19-м стагоддзі. Магнаты жылі амаль з каралеўскім размахам. Паводле легенды, у падлозе рэзідэнцыі былі акварыумы, а па пакоях расхаджваў сапраўдны леў. Падчас рэканструкцыі абнавілі не толькі фасады, але і інтэр'ер, які абставілі вялікай колькасцю антыкварыяту. Навагодні баль правялі ў самай вялікай з залаў. Моладзь станцавала мазурку, кадрылю, польку і іншыя танцы.
