Нягледзячы на пераменлівае надвор'е, у горадзе працягваецца навядзенне парадку. Спецыялісты сталічнага Зелянбуда пачалі абразаць дрэвы, за мінулы суботнік ужо высаджаныя новыя кусты. Да належнага стану пасля зімы камунальнікі прыводзяць сталічныя скверы і паркі.
Да генеральнай уборкі двароў і месцаў агульнага карыстання гарадскія ўлады заклікаюць далучыцца і мінчан.
Наталля Кузьміцкая працягне тэму. Вялікія кроны гэтых дрэў ўжо хутка пачалі б замінаць тралейбуснаму руху. Сухія галіны амаль дакраналася да электрычных ліній. З нагоды бяспекі - па-першае, а па-другое, у санітарных мэтах зялёным жыхарам вуліцы Кнорына сёння, бадай што, надаюць новае жыццё.
У красавіку з надыходам станоўчых начных тэмператур для памяншэння дзеяння солевых рэагентаў запланаваныя работы па ачыстцы ад пылу і бруду ствалоў дрэў, якія растуць уздоўж цэнтральных вуліц і асноўных магістраляў горада, а таксама іх паліванне і падкормліванне. Да таго ж, спецыялісты Зелянбуда ўжо пачалі рыхтаваць галоўныя паркі сталіцы да майскіх свят.
Добраўпарадкаванне закране літаральна кожны двор.
У 2016 годзе на мінскіх дзіцячых пляцоўках запланавана аднавіць каля 300 адзінак гульнявога абсталявання – старых і зламаных арэляў, горак і турнікоў.
Пасля зімы ў дварах і ля пад'ездаў пафарбуюць лаўкі, пры неабходнасці заменяць урны для смецця. Камунальнікі ўжо пачалі і генеральную ўборку пад'ездаў: мыюць вокны, сцены, фарбуюць поручні.
Нагадаем, падчас правядзення агульнагарадской акцыі па добраўпарадкаванні на працягу месяца пройдуць мерапрыемствы па азеляненні горада, адрамантаваны дарогі і ўнутрыдваровыя праезды. Парадак навядуць на тэрыторыях гаражных кааператываў, прамысловых зон, на гандлёвых аб'ектах, у бальніцах і ўстановах адукацыі.
