У дзіцячым лагеры з сімвалічнай назвай "Дружба" прымаюць гасцей з Расіі

Канікулы з беларускім каларытам. Летняе аздараўленне ў Мінскай вобласці выбіраюць усё больш школьнікаў з замежных краін - жыхары Японіі, Кітая, Сірыі і Расіі. Напрыклад, у Дзяржынскім раёне з нашай гасціннасцю зараз знаёміцца каманда з горада Ціхвін Ленінградскай вобласці. Для гасцей - спартыўныя турніры, пазнавальныя экскурсіі і фестывалі. Сваімі ўражаннямі юныя ўдзельнікі падзяліліся з Аляксандрай Кавеліч.

Экападарожжа ў гэтай каманды застанецца, бадай, адным з самых яркіх летніх успамінаў. Канікулы з беларускім каларытам праводзяць школьнікі з Ленінградскай вобласці. Сярод іх і Алёна Савіна. Дзяўчынка ўжо дакладна ведае, што раскажа аднакласнікам, калі вернецца дадому. 

Такія экскурсіі - толькі частка пазнавальнай праграмы з беларускім каларытам. Школьнікі не проста знаёмяцца з прыродай ці гісторыяй Беларусі, але і самі дзеляцца сваімі ведамі. Штогод падчас міжнароднай змены ладзяць фестывалі нацыянальных культур. 

У дзіцячым лагеры з сімвалічнай назвай "Дружба" прымаюць гасцей з Расіі ўжо дзясяты год запар. Міжнародную змену аб’яднала менавіта тэма сяброўства паміж славянскімі народамі. 

У раскладзе - флешмобы, лінгвістычныя майстар-класы і спартыўныя турніры. З асаблівым азартам праходзяць міжнародныя матчы па баскетболе.

Тым часам аздараўленне ў Мінскай вобласці выбіраюць усё больш школьнікаў з замежных краін, сярод іх не толькі госці з Расіі, але і юныя жыхары Японіі, Кітая і Сірыі.