Водар вясны ў Батанічным! На выставу духмяных кветак запрашаюць жыхароў і гасцей сталіцы.
Гіяцынты, крокусы, нарцысы і, вядома ж, чароўныя цюльпаны - экспазіцыя ўражвае не толькі водарам, але і разнастайнасцю. Дзясяткі адценняў і відаў - прадэманстраваны больш за 130 сартоў раслін. Фларыстычную гісторыю дапаўняюць тэматычныя лялькі ручной працы.
Запланаваны і сустрэчы з куратарам калекцый цюльпанаў і гіяцынтаў. Таксама можна наведаць творчы практыкум “Букет з шышак”. Атрымаць асалоду ад вясновай экспазіцыі Батанічны прапануе да 10 сакавіка.