Сустрэчы з маладымі навукоўцамі і пэўныя прапановы цікавай працы. Аб неабходнасці такога фармату супрацоўніцтва сёння гаварыў міністр адукацыі, уручаючы ўзнагароды новым стыпендыятам Спецыяльнага фонду Прэзідэнта Беларусі студэнтам і выкладчыкам БДУ. Сярод іх - пераможцы міжнародных алімпіяд, нацыянальнага конкурсу навуковых прац і лепшыя супрацоўнікі ВНУ.
Міхаіл Жураўкоў, Міністр адукацыі Беларусі:
"Прэмія Спецыяльнага фонду Прэзідэнта, пэўна, займае ключавую пазіцыю ў сістэме падтрымкі. Вельмі істотныя ёсць стымулы для развіцця сваіх і навуковых, і творчых здольнасцяў. Так што, на мой погляд, у нас у дзяржаве таленавітая моладзь, і ўвага, якая ёй надаецца, з'яўляецца сёння ключавым момантам, каб забяспечыць будучыню нашай краіны".
Сяргей Абламейка, рэктар БДУ, старшыня Савета Спецыяльнага фонду Прэзідэнта Беларусі па сацыяльнай падтрымцы адораных навучэнцаў і студэнтаў:
"Беларускія студэнты з года ў год займаюць высокія месцы, у першую чаргу, на прыродазнаўчанавуковых алімпіядах (матэматыка, фізіка, біялогія), але і гуманітарыі падцягнуліся. У апошнія гады ўдзельнічаюць і юрысты, і эканамісты і дамагаюцца высокіх вынікаў".
Усяго ж на падтрымку таленавітай моладзі летась было накіравана практычна 5,5 мільярда рублёў. Стыпендыятамі фонду Прэзідэнта сталі больш як 2300 студэнтаў, школьнікаў і творчых калектываў.