Старт акцыі быў дадзены сёння ў Смалявіцкім раёне.
Для развіцця ляснога сектара Беларусі Сусветны банк гатовы разгледзець магчымасць выдзялення дадатковых сродкаў. Аб гэтым сёння заявіў кіраўнік прадстаўніцтва Сусветнага банка ў нашай краіне Ян Чул Кім.
Ян Чул Кім, кіраўнік прадстаўніцтва Сусветнага банка ў Беларусі:
"Праект, які рэалізуецца намі сёння, ацэньваецца на $40,7 млн. Аднак мы абмяркоўваем з урадам Беларусі магчымасць павелічэння гэтага аб'ёму фінансавання ў залежнасці ад патрэбнасцяў беларускага ляснога сектара. Таму пасля таго, як мэты, пастаўленыя ў гэтым праекце, будуць рэалізаваныя, будзем гатовыя разгледзець магчымасць выдзялення дадатковага фінансавання".
Лес плануюць садзіць сёлета на ўчастках, якія пацярпелі ад леташняга ўрагану. Нагадаем, у ліпені парывы ўраганнага ветру знішчылі парадку 15 тысяч гектараў лясных насаджэнняў. Увосень прадстаўнікі лясгасаў ужо высадзілі дрэвы на 5 тысячах гектарах. Цяперашняй вясной плануецца аднавіць угоддзі на 8 тысячах. Як гавораць спецыялісты, асноўныя працы завершаць да 1 мая.
