Адна з галоўных задач беларускай дзяржавы - абарона дзяцінства і сямейных каштоўнасцяў. На гэта накіраваны законапраект па прафілактыцы злачынстваў супраць палавой недатыкальнасці непаўналетніх. У Палаце прадстаўнікоў сёння пасяджэнне дзясятай сесіі.
На парадку - паўтара дзясятка пытанняў. У прыватнасці, для барацьбы з педафіліяй прапаноўваецца прымусовае лячэнне, прадугледжваецца наладжванне прэвентыўнага нагляду за асобамі, якія здзейснілі злачынствы, да пагашэння або здымання судзімасці. Законапраект адкарэктуе Крымінальны, Крымінальна-працэсуальны і Крымінальна-выканаўчы кодэксы. Дэпутаты ў першым чытанні навацыі падтрымалі.
Адзін з самых чаканых таксама дакумент аб адказным абыходжанні з жывёламі. Дэпутаты разгледзяць папраўкі ў Грамадзянскі і Паветраны кодэксы. Таксама на парадку ў Авальнай зале - ратыфікацыя шэрагу пагадненняў і пратаколаў.
