Унікальны народны сімвал памяці ахвяр генацыду плануюць стварыць у Беларусі. Міністэрства культуры пры падтрымцы Генпракуратуры правядзе агульнарэспубліканскі конкурс эскізных праектаў памятнага знака. Да ўдзелу запрашаюцца аўтары або аўтарскія калектывы, скульптары, архітэктары і іншыя неабыякавыя ўдзельнікі. Вітаецца ўдзел навучальных устаноў, студэнтаў, настаўнікаў і выкладчыкаў. Праект павінен быць звязаны з масавым знішчэннем мільёнаў мірных грамадзян нацысцкімі злачынцамі і іх саўдзельнікамі на беларускай зямлі ў гады Вялікай Айчыннай вайны.
Заяўкі на ўдзел і эскізныя праекты прымаюцца да 1 лістапада. Падрабязную інфармацыю, умовы і крытэрыі ўдзелу можна знайсці на сайце арганізатараў - Міністэрства культуры і Генпракуратуры.