Штогод у трэцюю нядзелю верасня ў Беларусі адзначаецца Дзень работнікаў лесу.
З прафесійным святам работнікаў і ветэранаў галіны павіншаваў Прэзідэнт. Штодзённы клопат аб захаванні і прымнажэнні такога нацыянальнага набытку - вялізны ўклад у сучаснасць і будучыню краіны, адзначыў Аляксандр Лукашэнка.
За галоўным багаццем нашай краіны сочаць 46 тысяч чалавек. Гэта колькасць занятых у лесаводстве і лесанарыхтоўках летась. З іх 83 % мужчыны і 17 % жанчыны. Дзякуючы іх працы штогод ствараецца не менш за 30 тысяч гектараў новых лясоў. І з кожным годам гэты паказчык расце. Таму па шэрагу ключавых паказчыкаў наша краіна ўваходзіць у дзясятку вядучых еўрапейскіх дзяржаў. Больш за 40 % тэрыторыі дзяржавы займаюць лясныя масівы. А на кожнага жыхара Беларусі прыпадае каля аднаго гектара насаджэнняў.