Некалькі месяцаў таму ў гэтай паліклініцы, як і ў шэрагу іншых сталічных, ужо прышчаплялі "Спадарожнікам V". Тады ў рамках клінічных выпрабаванняў. Праўда, дагэтуль невядома, каму з тых ста чалавек укалолі вакцыну, а каму плацэба. У цэлым усё прайшло паспяхова. Маючы навык працы з прэпаратам і неабходныя ўмовы захоўвання, пачаць масавую вакцынацыю было вырашана менавіта тут.
Вакцына "Спадарожнік V" захоўваецца ў маразільнай камеры пры тэмпературы мінус 18 градусаў. У адной ампуле 5 доз. Што важна - перад ужываннем вакцына павінна праляжаць пры пакаёвай тэмпературы парадку 20 хвілін.
Першымі добраахвотнікамі сталі супрацоўнікі цэнтра, у тым ліку і галоўны ўрач. Яраслаў Кузняцоў упэўнены: заразлівы толькі асабісты прыклад!
Яраслаў Кузняцоў, галоўны ўрач 5-й гарадской клінічнай паліклінікі Мінска: "Зараз, як вы бачыце, дастатковая колькасць ахвочых. Тым больш, пройдзе літаральна дзень-два, людзі паглядзяць, ацэняць. І, я мяркую, што той аб'ём вакцыны, які нам прывезлі, мы будзем яшчэ прасіць".
Вакцынацыя бясплатная. Шматлікія з тых, хто сёння атрымаў сваю дозу антывіруса, у працэдурны кабінет спусціліся з рабочага месца. Гэтыя людзі ведаюць сілу COVID і што ён утойвае.
Першымі антывірус атрымаюць медыкі, настаўнікі, працаўнікі гандлю
Алена Салаўёва, старшая медсястра аддзялення прафілактыкі 5-й гарадской клінічнай паліклінікі Мінска: "Я была гатовая да сітуацыі, таму што сярод майго асяроддзя ёсць смяротныя выпадкі ад каранавіруснай пнеўманіі. А ўлічваючы спецыфіку нашай працы, штодзённы прыём пацыентаў, хацелася б сябе неяк прафілактычна абараніць".Усяго ў гэтую паліклініку даставілі 200 доз. У цэлым жа па краіне ў першую чаргу прышчапляць будуць не толькі медыкаў, але і настаўнікаў, працаўнікоў гандлю. Паводле планаў Міністэрства аховы здароўя, вакцынацыя ахопіць больш як 5 з паловай мільёнаў чалавек. І будзе абсалютна добраахвотнай. Беларусь стала першай замежнай дзяржавай, што зарэгістравала ў сябе расійскі прэпарат.
Сакрэту ўжо няма - на гэта настроеныя "Белмедпрэпараты". Вядучае прадпрыемства, якое мае як прамысловыя магутнасці, так і навуковую базу. Плануецца, што расійская вакцына з беларускага канвеера зможа сысці да канца лютага - пачатку сакавіка.