У Беларусі больш за 900 абітурыентаў зарэгістраваліся для праходжання ЦТ у рэзервовыя дні

Для праходжання цэнтралізаванага тэсціравання ў рэзервовыя дні зарэгістраваліся больш за 900 абітурыентаў. У кожнай вобласці вызначаны пункт рэгістрацыі. Усяго іх 6 па краіне. Да здачы ў рэзервовыя дні дапускаюцца абітурыенты, якія па ўважлівай прычыне не змаглі прысутнічаць у асноўны дзень. Даты рэзервовых дзён: 14 і 16 ліпеня - беларуская і руская мовы, 14 і 18 ліпеня астатнія прадметы. Пачынаецца выпрабаванне, як і ў асноўныя дні, у 11:00. Нагадаем, сертыфікаты цэнтралізаванага тэсціравання ў пунктах яго правядзення абітурыентам пачнуць выдаваць з 16 ліпеня, тым, хто будзе здаваць ЦТ у рэзервовыя дні, - з 23 ліпеня.