Сезон галавакружных забаў стартуе ў Мінску 26 красавіка. У гэты дзень у сталіцы запрацуюць атракцыёны. Больш за 50 крылатых арэляў у трох парках Мінска - Янкі Купалы, Уга Чавеса і Чалюскінцаў - знаходзяцца на балансе Зелянбуда. Зараз спецыялісты наладжваюць абсталяванне пасля раскансервацыі. Акрамя тэхнічных момантаў, фокус і на знешні выгляд. А яшчэ чакаем навінак. Сярод іх батутныя комплексы, сучасныя варыянты аўтадрома і "вальса".
Пра захаванне правіл бяспекі падчас катанняў нагадваюць медыкі. Удары і вывіхі пасля актыўных забаў у дзяцей і дарослых - гэта вынік бестурботных паводзін.
Разам са стартам сезона атракцыёнаў у сталіцы пачнуць працаваць фантаны. Па ўсім горадзе вадой напоўняцца больш за 30 штучных крыніц. Зараз спецыялісты наладжваюць абсталяванне.
