Памерла народная артыстка Беларусі Галіна Талкачова

Як толькі што стала вядома, не стала народнай артысткі Беларусі Галіны Талкачовай. Яна да апошніх дзён была артысткай Купалаўскага тэатра. Усе яе гераіні - вытанчаныя, арыстакратычныя жанчыны з моцным унутраным стрыжнем і вялікім пачуццём унутранай годнасці. Яе ролі ў спектаклях "Аптымістычная трагедыя", "...Забыць Герастрата!", "Памінальная малітва", "Лес", "Сымон-музыка", "Апельсінае віно" ўпісаны ў слаўную і багатую гісторыю беларускага тэатра.