Адпрацоўка практычных задач спецыялістамі пошукавых службаў у Валожынскім раёне. У густым лясным масіве плошчай некалькі соцень гектараў ратавальнікі дэманструюць навыкі пошуку людзей, якія заблукалі ў лесе. Умовы - максімальна набліжаны да рэальнасці.
Баявы квэст лепшым падраздзяленням з усёй краіны даводзіцца пераадольваць у цяжкапраходных месцах, у закінутых будынках і ў начны час сутак. Ратавальнікі паказалі і навыкі выкарыстання GPS-рэкераў. У масавых вучэннях задзейнічаны квадракоптары і беспілотны лятальны апарат з цеплавізарам для вядзення пошукаў з вышыні. Рэпартаж Ільі Цвяткова.
Пасля атрымання ўводных даных пошукавая група адпраўляецца ў лясны гушчар Валожынскага раёна. Задача - знайсці ўмоўнага пацярпелага па прыкметах і прыкладных звестках аб яго месцазнаходжанні. Усе байцы маюць пры сабе GPS-трэкеры, іх перамяшчэнне кантралююць у мабільным штабе. Акрамя пешага абходу, на маніторынг лесапаласы выязджаюць спецыялізаваныя багі і квадрацыклы.
Падчас маштабнага рэспубліканскага семінара па праверцы падрыхтоўкі пошукавай службы МНС - работнікі выратавальных атрадаў паказалі навыкі выкарыстання GPS-трэкераў, а таксама прадэманстравалі майстэрства працы на вышыні. У масавых вучэннях задзейнічалі дадатковую сучасную тэхніку - квадракоптары і беспілотны лятальны апарат з цеплавізарам для вядзення пошукаў з вышыні.
Аказваць дапамогу людзям, якія згубіліся і не могуць знайсці дарогу дадому, прыходзіцца не толькі ў густым лесе, але і ў вось такіх пакінутых збудаваннях. Зараз нам прыйдзецца працаваць у падвальным памяшканні па калена ў вадзе.
Звычайна людзі, якія трапляюць у лясныя лабірынты, намагаюцца знайсці сховішча, каб дачакацца там дапамогі. Таму абследаванне такіх аб'ектаў - важны этап трэніроўкі ратавальнікаў.
Яшчэ адна лакацыя - водная пераправа. Глыбокія разлівы рэк і балоцістую мясцовасць пераадольваюць з дапамогай спецтэхнікі высокай праходнасці. А ўчасткі з імклівым цячэннем прыходзіцца фарсіраваць па паветры.
Да сезона грыбнікоў і збіральнікаў ягад супрацоўнікі МНС рыхтуюцца загадзя і асабліва старанна. І усё ж адказнасць за бяспеку аматараў лясных прагулак - у першую чаргу на саміх вандроўніках. У паход абавязкова трэба ўзяць з сабой зараджаны мабільны тэлефон, запас пітной вады і ежы. Пажылым людзям яшчэ і неабходныя лекі.
