У Палацы Незалежнасці сёння прайшла нарада па пытанні мэтазгоднасці стварэння сістэмы ваенных пракуратур.
Прэзідэнт сабраў нараду па пытанні стварэння ваенных пракуратур
Прэзідэнт сабраў сілавікоў, каб пачуць усе за і супраць. 10 гадоў таму гэтую сістэму ў Беларусі ліквідавалі. Паўнамоцтвы па наглядзе за выкананнем заканадаўства ва ўзброеных сілах перадалі цывільным органам пракуратуры. Але зараз змянілася ў першую чаргу палітычная сітуацыя ў свеце. Гэта не можа не ўплываць на ўнутраную стратэгію ў сістэме работы кантралюючых органаў, асабліва ў ваеннай сферы.
Прэзідэнт чакае ад сілавікоў канкрэтыкі ў вырашэнні пытання
Большая частка абмеркавання праходзіла за зачыненымі дзвярамі, што лагічна, бо гэта пытанне ў тым ліку гарантавання нацыянальнай бяспекі. А ўжо пасля заканчэння нарады генпракурор Андрэй Швед у размове з журналістамі расказаў, якія далейшыя крокі будуць зроблены.
У многіх краінах свету наяўнасць ваеннай пракуратуры лічыцца важнай часткай сістэмы нацыянальнай бяспекі. Такі інстытут дазволіць павысіць эфектыўнасць нагляднай дзейнасці ў арміі, асабліва з улікам няпростай сітуацыі на межах.
