"Ісці ў навуцы ад жыцця" або як беларускія распрацоўкі ўплываюць сёння на наша з вамі жыццё. Фундаментальныя даследаванні становяцца прыкладнымі, лепшым у гэтай сферы Прэзідэнт 26 студзеня ўручыў дыпломы доктара навук і атэстаты прафесара.
Цырымонія адбылася ў Палацы Незалежнасці. Гэта традыцыя напярэдадні Дня беларускай навукі, яго адзначаць у гэту нядзелю, не толькі фіксаваць поспехі, але і прадметна гаварыць, што "яшчэ трэба навукоўцам", "дзе ёсць пытанні?", "куды трэба задаваць вектар развіцця?" Бо работа навукоўцаў фарміруе будучыню.
Прэзідэнт надае максімальную ўвагу і працы Акадэміі навук, і ўніверсітэцкім даследаванням, бо гэта залог руху Беларусі наперад і паспяховай канкурэнцыі на сусветных рынках. У нашай краіне "не абараняюцца дысертацыі дзеля дысертацый". Усё, што ёсць у навуковых распрацоўках, беларусы павінны адчуваць у паўсядзённым жыцці: ад медыцынскіх тэхналогій да мікраэлектронікі. Падрабязнасці ў сюжэце Кацярыны Круталевіч (відэа).
