Цэнтральны батанічны сад падрыхтаваўся да новага сезона і прапаноўвае беларусам серыю новых маршрутаў для восеньскіх экскурсій. Сярод "дэбютных" экспазіцыйных зон пляцоўка ценевынослівых раслін - больш чым са ста гатункаў і відаў флоры і лекавы сад, які ў верасні асабліва радуе "дыванамі" квітнеючага чабору. Таксама традыцыйна любімыя і самыя наведвальныя лакацыі саду - з верасня па канец кастрычніка - грады вяргіняў і гладыёлусаў, аксамітак, сланечнікаў, астр і кан. Да першых замаразкаў у садзе будуць цвісці і ружы!
На восень у батанічным садзе запланавана серыя асветніцка-азнаямленчых экскурсій. Але галоўная задача ўстановы - падрыхтоўка раслін да зімоўкі. У ёй задзейнічаны каля сотні спецыялістаў.
