Форум "Культура сталіцы - 2023" стартаваў у Мінску. Для маладых спецыялістаў падрыхтавалі дыялогавую пляцоўку з адміністрацыяй горада, на якой яны змаглі задаць як жыллёвыя пытанні, так і пытанні па ахове працы. Форум - выдатная магчымасць для абмену вопытам, знаёмстваў з калегамі і лідарамі меркаванняў.
"Гэта планавае знаёмства, сустрэч некалькі. Першая прымеркавана да Дня работніка культуры. Такія сустрэчы праходзяць не толькі па лініі культуры, але і па лініі адукацыі, медыцыны. Асноўная мэта мерапрыемства - залучыць маладых спецыялістаў, якія прыйшлі ў дадзеным выпадку ва ўстанову культуры, пазнаёміць з інфраструктурай, калектывам", - расказаў намеснік старшыні Мінгарвыканкама Арцём Цуран.
За два тыдні форум аб'яднае амаль 300 чалавек - маладых спецыялістаў і кіраўнікоў сферы культуры, кадравы рэзерв і прадстаўнікоў розных напрамкаў.
