Пералічэннем жыровак займаецца спецыяльная рабочая група. Пасля гэтага новыя лічбы замарозяць да асобага распараджэння Прэзідэнта. Аб гэтым заявіў кіраўнік Камітэта дзяржкантролю Леанід Анфімаў у эксклюзіўным інтэрв'ю праграме "Галоўны эфір". Вынікі праверак Прэзідэнту даложаць ужо заўтра.
Леанід Анфімаў, старшыня Камітэта дзяржкантролю Беларусі:
"Я павінен праз трое сутак (я сваім такую задачу паставіў) - час надзвычай абмежаваны - пакласці на стол Прэзідэнту гэтыя пералічаныя тарыфы, якія, як сказаў Кіраўнік дзяржавы, ён зацвердзіць. Гэтыя тарыфы застануцца нязменнымі да яго асобага распараджэння. Гэта 1 сакавіка ўсе пералічаныя тарыфы ў бок, натуральна, памяншэння".
Кіраўнік дзяржкантролю таксама паведаміў, што ў дачыненні некаторых службовых асоб прадпрыемстваў сістэмы ЖКГ узбуджаны крымінальныя справы. Праверкі праходзяць у кожнай з абласцей і ў Мінску.
Леанід Анфімаў, старшыня Камітэта дзяржкантролю Беларусі:
"Калі вы жадаеце, каб я назваў пэўных службовых асоб, то я зараз не назаву. Таму што справы ўзбуджаны па фактах неабгрунтаванага разліку кошту ЖКП, пачынаючы ад міністэрства ў дачыненні службовых асоб. Зараз ідуць выманні дакументаў, ідзе папярэдняе следства па гэтых усіх фактах, і, я думаю, што на працягу пяці дзён (у рамках працэсуальнага заканадаўства дапускаецца 10 дзён), у рамках гэтага часу мы павінны назваць пэўных службовых асоб".
Студзеньскія жыроўкі здзівілі шматлікіх беларусаў і выклікалі незадаволенасць Прэзідэнта. Кіраўнік дзяржавы, нагадаем, патрэбаваў у найкарацейшыя тэрміны разабрацца з рэзкім ростам тарыфаў на паслугі ЖКГ і прыняць меры.
