Суд у Жодзіне сёння паставіць кропку ў гучнай справе крадзяжоў з БелАЗа

Аб буйных махінацыях стала вядома ў лютым мінулага года. Паводле матэрыялаў крымінальнай справы, пяць працаўнікоў прамысловага гіганта арганізавалі злачынную групу і вывозілі з тэрыторыі завода аўтазапчасткі, вузлы і агрэгаты да аўтамабільнай і кар'ернай тэхнікі. Як паведамілі ў пракуратуры, усяго ў злачынную схему былі ўцягнутыя дзевяць чалавек: сямёра абвінавачваюцца ў "крадзяжы, учыненым арганізаванай групай у асабліва буйным памеры", яшчэ двое праходзяць у статусе памагатых. Урон, прычынены БелАЗу, склаў 148 тысяч рублёў.