Касмічнае прывітанне ад першай жанчыны-касманаўта Беларусі. Марына Васілеўская з Міжнароднай касмічнай станцыі пагутарыць сёння са студэнтамі БДУ. Сеанс радыёсувязі запланаваны на 17:50 па мінскім часе: у гэты момант МКС будзе пралятаць над Беларуссю.
На працягу дзесяці хвілін хлопцы і дзяўчаты павітаюць сваю суайчынніцу, а таксама змогуць пагутарыць з касманаўтамі экіпажа. Размова пройдзе падчас бартавога эксперыменту "Аб Гагарыне з космасу", які ўключаны ў навуковую праграму палёту беларускага касманаўта.
А напярэдадні сеанс сувязі з Марынай Васілеўскай і Алегам Навіцкім адбыўся ў Цэнтры кіравання палётамі. Касманаўты правялі сустрэчу з дзецьмі. Усе яны - прызёры конкурсу дзіцячага малюнка "Слаўныя старонкі гісторыі брацкіх народаў Беларусі і Расіі - Мы разам". А сёння мы разам у асваенні космасу - многія работы былі прысвечаныя касмічнай тэматыцы. Лепшыя малюнкі дзеці прынеслі з сабой і паказалі іх праз відэасувязь. Пагутарыць з касманаўтамі прыехалі больш за 30 чалавек.
Усе месцы на балконе ў галоўнай зале ЦУП былі занятыя. Вядома, да мікрафона былі дапушчаны не ўсе. Бо сувязь з МКС доўжылася меней за паўгадзіны, і трэба было ўкласціся ў таймінг.
