У Беларусі памер страхавой выплаты падчас афармлення ДТЗ без удзелу ДАІ можа вырасці да 600 еўра. Новыя лічбы зараз сцвярджаюць ва ўрадзе. Так званы еўрапратакол быў уведзены ў Беларусі амаль 7 гадоў таму і ўжо не ўспрымаецца як нейкі эксперымент. Мяркуючы па статыстыцы страхавых кампаній, ім ахвотна карыстаюцца ўдзельнікі ДТЗ. Зараз кожная трэцяя аварыя ў нашай краіне афармляецца без выкліку дарожнай міліцыі. Усе нюансы гэтай сістэмы - у рэпартажы Юрыя Шаўчука.
Гэтая нязначныя аварыя здарылася на скрыжаванні праспекта Незалежнасці і вуліцы Макаёнка. У той момант, калі кіроўца "опеля" стаяў на святлафоры, у яго заехала аўталэдзі на "аўдзі". На першы погляд, пашкоджанні несур'ёзныя, і лагічна было б, калі ўдзельнікі ДТЗ разышліся мірам, і без удзелу дарожнай міліцыі падпісалі так званы еўрапратакол. Але пацярпелы бок апынуўся супраць.
Сваё рашэнне кіроўца "опеля" аргументаваў тым, што падчас складання еўпрапратакола не заўсёды ўлічваюцца некаторыя ўтоеныя пашкоджанні. Бо за трэснутым бамперам могуць хавацца дэфекты кузава, якія падчас рамонту стукнуць па кішэні. Але гэта з аднаго боку, а з другога? Эканомія часу падчас афармлення пратакола без супрацоўнікаў ДАІ, адсутнасць штрафу за парушэнне ПДР і выключэнне ўсякай магчымасці страціць правы, што, дарэчы, часта бывае падчас стварэння аварыйнай сітуацыі.
Магчымасць афармляць ДТЗ без удзелу ДАІ ў беларусаў з'явілася 7 гадоў таму. Першапачаткова, каб разабрацца на месцы, сума шкоды не павінна была перавышаць 200 еўра. З часам лічба вырасла да 400. У выніку сёння кожная трэцяя аварыя ў краіне афармляецца без прыезду дарожнай міліцыі.
Вось так выглядае паведамленне аб ДТЗ або, як гаворыць просты люд, еўрапратакол. Атрымаць яго можна ў страхавога агента падчас заключэння дамовы аб страхаванні. Або ж у Беларусбанку. Тэрмін прыдатнасці ў дакумента не абмежаваны.
Аднак, нягледзячы на пэўныя поспехі, імкнуцца ў гэтым кірунку нам ёсць куды. Напрыклад, у Расіі сума па еўрапратаколе абмежаваная тысячай еўра, а ў Еўропе паліцыя наогул не выязджае на месцы ДТЗ без пацярпелых. Да таго ж, эксперты даўно падлічылі, што на дробныя аварыі праваахоўнікам лепш не марнаваць свой час, а афармляць іх пазней - заднім чыслом і па суме ад СТА, не ствараючы пры гэтым пробак.
На думку спецыялістаў, пасля гэтага дарожную міліцыю на дробныя аварыі стануць выклікаць яшчэ больш рэдка. Прагназуецца, што разбірацца на месцы ўдзельнікі ДТЗ будуць у 50 працэнтах выпадкаў. Яшчэ больш аб еўрапратаколах, падводных камянях гэтай сістэмы і бясспрэчных плюсах раскажуць аўтары праграмы "Зона Х" у пятніцу, у выніковай праграме.
