Сярэдняя школа № 1 імя Героя Савецкага Саюза Пятра Акуцыёнка гарадскога пасёлка Шуміліна святкуе стагадовы юбілей. Больш за 20 гадоў таму тут адкрыўся музей гісторыі школы. Чорна-белыя і каляровыя фатаграфіі, падручнікі і нават партфель дырэктара. Зараз экспазіцыя аб'ядноўвае больш за тысячу прадметаў. Адзін з самых каштоўных экспанатаў - зборнік лістоў ад выпускнікоў. Успомніць школьныя гады і падзякаваць сваім педагогам кожны з іх сёння змог асабіста. Марына Раманоўская працягне.
Расказваць пра складанае зразумелай мовай. Менавіта гэтым правілам Ніна Лузгіна кіруецца з першых дзён працы ў школе. Працоўны стаж - без малога 40 гадоў. І педагогі, і школьнікі называюць настаўніка матэматыкі сапраўдным прафесіяналам сваёй справы, для якога няма невырашальных задач. Адказнасці і працавітасці вучыць і сваіх вучняў.
Матэматыка сярод любімых прадметаў і ў дзесяцікласніцы Карыны Лінкевіч. З лёгкасцю спраўляецца і са складанымі задачамі па хіміі. З выбарам прафесіі школьніца ўжо даўно вызначылася. Марыць стаць урачом. Дарэчы, шматлікія выпускнікі першай Шумілінскай школы выбіраюць менавіта медыцынскія ВНУ. Школьнікі не сумняваюцца - палюбіць біялогію і хімію проста. І ў гэтым заслуга настаўнікаў.
У першай школе гарадскога пасёлка Шуміліна вучацца больш за 700 дзяцей. І кожны з вучняў, пацвярджаюць педагогі, ведае гісторыю свайго рэгіёна на выдатна. Даследчай працы - самая трапяткая ўвага. Сапраўднай славутасцю можна назваць і саму школу. Сёння яна адзначае стагадовы юбілей.
У маі 1990 адкрыўся музей гісторыі школы. Чорна-белыя і каляровыя фатаграфіі, дакументы, граматы. Зараз экспазіцыя аб'ядноўвае больш за тысячу прадметаў. Экскурсіі тут праводзяць самі вучні.
Аповед заўсёды пачынаецца ад партрэта Пятра Акуцыёнка. Імя Героя Савецкага Саюза школа носіць больш за паўстагоддзе. Вучні беражліва захоўваюць памяць пра героя.
Гэты пропіс з экспазіцыі - аднагодка самой школы. Побач партфель дырэктара, чарніліцы, буквары. Лісты з гэтага зборніка ў розныя гады прысылалі выпускнікі. Павіншаваць школу з юбілеем і падзякаваць педагогам кожны з іх сёння змог асабіста.
Хутчэй за ўсё, гэтыя кадры з урачыстай цырымоніі таксама стануць часткай экспазіцыі музея гісторыі школы. Але галоўнае, гавораць педагогі і выпускнікі, каб памяць была ў сэрцы.
