Паспрабаваць адчуць сябе прафесійным лыжнікам ці сноўбардыстам можна не выязджаючы за межы Мінска - гарналыжная дыстанцыя ў сталічным мікрараёне Курасоўшчына чакае аматараў зімовага спорту. Тут вопытныя інструктары даюць парады і дапамагаюць правільна кіраваць спартыўным інвентарам. Для наведвальнікаў адкрытыя два снежныя схілы.
Трасы пакрыты спецыяльным штучным снегам і дазваляюць праводзіць спаборніцтвы. Таксама як і на самай доўгай "гарызантальнай" лыжнай дыстанцыі Мінска - у Вяснянцы. Праверыць сябе на трываласць і прайсці ўвесь шлях 5 км можна штодня да 23:00. Увесь неабходны інвентар можна ўзяць у арэнду. Ілья Цвяткоў праклаў снежны гарадскі маршрут.
Падабраць неабходны інвентар дапамагаюць спецыялісты. Пракат лыжнага абсталявання на лыжаролернай трасе ў Вяснянцы працуе штодня. У топе арэнды жыхароў сталіцы - беларускія "Тэлеханы" - ад лыж пачатковага ўзроўню да прафесіянальных пар.
Самая працяглая і папулярная лыжная дыстанцыя сталіцы - у Вяснянцы - кожны дзень прымае да сотні аматараў зімовых гонак. Пушкі нарыхтавалі дастаткова штучнага снегу, каб пакрыць ім увесь лыжны маршрут даўжынёй 5 км. Тут трэніруюцца спартсмены як вопытныя, так і атлеты-пачынальнікі. Прыязджаюць і навічкі-аматары, хто толькі вучыцца стаяць на лыжах.
Штучны снег ідэальна падыходзіць для камфортнага катання. Ён больш шчыльны, чым натуральны, вытрымлівае вялікія нагрузкі і не растае падчас перападаў тэмператур. Таму траса будзе працаваць да канца сакавіка.
Маршруты для зімовых прагулак гатовы ля "Чыжоўка-Арэны", у лесапарку Мядзвежына і ў парку Курасоўшчына - усяго больш за 10 дыстанцый.
А яшчэ ў Мінску можна знайсці гарналыжныя спускі - амаль у самым цэнтры, ехаць далёка не патрэбна. Зараз мы ў сонечнай даліне. Пушкі працуюць на поўную магутнасць. Пакрыццё набрала неабходную таўшчыню. А на схілах вырашаюць важнае зімовае пытанне - хто лепшы ў сваім рамястве - лыжнік ці сноўбардыст.
Адчуць, як лыжы разразаюць шчыльны пласт снегу і выпрабаваць экстрэмальныя эмоцыі ад паскарэння. Тут вучаць катацца на лыжах і сноўбордах. Вопытныя інструктары даюць парады і дапамагаюць правільна стаць на борд, упэўнена ўзяць і трымаць лыжню. Правільная тэхніка - аснова бяспечнага і яркага зімовага катання.
У гэтым зімовым сезоне для наведвальнікаў гарналыжнага цэнтра абнавілі інвентар. Можна прыходзіць і са сваімі лыжамі ці сноўбордам. Акрамя пачаткоўцаў, трэніруюцца на двух снежных спусках і прафесійныя райдары, трасы дазваляюць праводзіць і лакальныя спаборніцтвы.
