Спартыўнае лета ў разгары. Інфраструктура для заняткаў вулічным спортам даступна як у буйных гарадах, так і ў невялікіх населеных пунктах. Так, у Лагойску для ўсіх ахвотнікаў трэнажорныя залы пад адкрытым небам, скейт-парк фармату міні, варкаўт-пляцоўкі. У прадстаўнікоў жа старэйшага пакалення ёсць магчымасць займацца скандынаўскай хадзьбой, пілатэсам ці ёгай. Галоўнае, каб летні спорт для ўсіх быў у задавальненне. Спартыўны Лагойск наведала Ларыса Гулякевіч.
Свае летнія канікулы 3-класнік з Мінска Вова Грыбун праводзіць на дачы ў Лагойску. Дзядуля школьніка займаўся вольнай барацьбой, тата - вайсковец, а мама падтрымлівае спартыўю форму разам з сынам.
Спартыўным драйвам напоўнены і заняткі летняга лагера Лагойскай дзіцяча-юнацкай спартыўнай школы. У аздараўленчай праграме загартоўванне, бег басанож, а таксама сілавыя нагрузкі на трэнажорах - усё пад кіраўніцтвам трэнера.
Свае рэкорды 9-гадовы Артур Мядзведзеў ставіць на трэніроўках у спартыўным лагеры. Тым больш што іх праводзіць прафесійны футбаліст Мацвей Сакалоўскі - прадстаўнік зборнай Беларусі па футболе U-17. Бацькі спартсмена - трэнеры па біятлоне, таму ўсіх сваіх чацвярых дзяцей выхоўваюць у спартыўным духу.
Здаровым быць модна - гэта дэвіз як прафесійных спартсменаў Лагойска, так і аматараў. Тым больш што лета - самая актыўная пара года. Можна займацца ўсімі відамі спорту, а ў рукзаку змесціцца цэлая трынажорная зала.
Пілатэс, ёга, скандынаўская хадзьба, фітнес розных кірункаў. Вялікі выбар забаў і захапленняў для спартсменаў-аматараў старэйшага пакалення. Але ёсць спецыяльныя рэкамендацыі: у спякоту трэніроўкі праходзяць у ранішнія гадзіны.
Фізкультура і спорт для Алены Вітошкінай і прафесія, і хобі. Інструктар-метадыст спартыўнай школы ведае ўсё аб размеркаванні нагрузак для любога ўзросту. У свае 63 душа кампаніі і прыклад для пераймання.
Спортам у Лагойску захапляюцца ўсе. Прычым круглы год. Пляцоўкам пад адкрытым небам аддаюць перавагу не толькі летам. Галоўнае - жаданне быць у спартыўнай форме і бадзёрым настроі.