Моцныя маразы небяспечныя не толькі абмарожаннем. Няправільнае выкарыстанне печак альбо газавага катла можа стаць прычынай няшчаснага выпадку. Таму гэтымі днямі ратавальнікі дэталёва абследуюць спраўнасць дымаходаў у жыхароў прыватнага сектара. Пад пільным кантролем - пажылыя і шматдзетныя сем'і.
У рэйд па Лагойскім раёне адправілася Юлія Токар. Зіма для ратавальнікаў не менш «спякотны сезон». Падчас мінусавых тэмператур праводзіцца маніторынг домаўладанняў. Асабліва, калі за акном, як сёння – 16 з мінусам. Самы час дэталёва абследаваць спраўнасць дымаходаў, печак і газавых катлоў, каб прадухіліць бытавыя ўзгаранні.
Леаніда Акуліч жыве адна. У печы паліць кожны дзень, прычым робіць гэта пераважна з раніцы. Каб ноччу бяспечна адпачываць.
Падчас такіх рэйдаў ратавальнікі асабіста нагадваюць гаспадарам правілы бяспечнага карыстання ацяпляльнымі прыборамі.
А вось ветэрану Вялікай Айчыннай – Івану Кішкурно – стала цяжка самастойна паліць у печы. Чатыры гады таму дзеці ўсталявалі газавы кацёл. Цяпер наведваць дзядулю смела могуць і маленькія праўнукі – ў пакоях заўсёды прыблізна плюс 20.
У першую чаргу ратавальнікі наведваюць людзей паважанага ўзросту і шматдзетныя сем'і. Таісія Красоўская з мужам выхоўваюць пяцярых дзяцей. Самаму маленькаму Аляксею яшчэ няма і года.
Моцныя маразы небяспечны не толькі абмарожаннем. Жыхары прыватнага сектара забываюцца аб элементарных правілах бяспекі. Як вынік – толькі за гэтыя выхадныя ў агні загінулі 2 чалавекі.
А за два месяцы зімы ахвярамі агнявой стыхіі сталі 35 чалавек. Здарылася 247 пажараў.
Дадатковыя прыборы, тыя ж абагравальнікі, эксплуатаваць згодна з інструкцыяй. І заўсёды быць пільнымі. Бо прадухіліць надзвычайную сітуацыю нескладана – трэба проста прытрымлівацца элементарных правіл бяспекі.