У Аршанскім раёне так вырашаюць праблему занятасці. Нягледзячы на здзельна-прэміяльныя ўмовы, такім чынам можна нядрэнна зарабіць. Больш за палову з тых, хто звярнуўся ў мясцовы цэнтр занятасці, знайшлі працу.
Новую праграму працаўладкавання вывучыў Андрэй Ястрабаў. Займацца пасадкай дрэў няцяжка, гаворыць Вольга Журава - учарашняя беспрацоўная. Некалькі гадзін на падрыхтоўку саджанцаў. Сёння гэта чатырохгадовыя елкі. Іх акуратна выкопваюць з градак гадавальніка. Затым перавозяць у пушчы, дзе ўжо падрыхтаваныя пасекі. Праца і па сілах, і на свежым паветры.
Знайсці такую працу аказалася няцяжка, тым больш у сезон. Аплата здзельна-прэміяльная. І залежыць ад выпрацоўкі. Але і такія ўмовы дазваляюць за месяц атрымліваць нядрэнны заробак. Нават тым, хто без вопыту.
Аршанскі лясгас сёлета павінен выканаць небывалы дагэтуль план - высадзіць больш чым 6 млн саджанцаў дрэў на плошчы амаль 1250 га. Без дадатковых рук прыйшлося бы няпроста, як і сельгаспрадпрыемствам раёна, дзе поўным ходам ідуць палявыя работы.
Што да ўжо створаных груп, аж да восені яны будуць забяспечаныя працай. Яе хапае. Але зараз у стадыі распрацоўкі новая праграма працаўладкавання ў раёне, для чаго падключаюць не толькі сельгаспрадпрыемствы і лясгас. Будуць задзейнічаныя амаль усе сферы. Мэта - усе, хто жадае атрымаць працу, павінны быць ёю забяспечаныя.
Фарміраванне брыгад з беспрацоўных праходзіць практычна ва ўсіх раёнах. Акрамя лясгасаў, дагаворы плануецца складаць з прадпрыемствамі ЖКГ, дарожнымі і сельгасарганізацыямі, а таксама прамысловымі прадпрыемствамі.
