Супрацоўніцтва моладзі Беларусі і Расіі надае новы імпульс інтэграцыі дзвюх краін. Аб гэтым гаварылі падчас Сусветнага фестывалю моладзі ў Сочы.
На палях форуму адбылося пасяджэнне Маладёжнай палаты пры Парламенцкім сходзе. Асноўны акцэнт - на гарманізацыю заканадаўства Беларусі і Расіі ў галіне маладзёжнай палітыкі Саюзнай дзяржавы.
Сёння за маладымі будучыня, таму зараз важна як ніколі іх аб'яднаць. Гаварылі і пра ўзаемадзеянне з грамадскімі арганізацыямі. У Сочы ўжо падпісалі пагадненне аб супрацоўніцтве паміж Маладзёжнай палатай і БРСМ. Разам плануюць рэалізаваць яшчэ больш грамадзянска-патрыятычных ініцыятыў. У планах - распрацоўка праектаў Саюзнай дзяржавы, у тым ліку накіраваных на павышэнне электаральнай актыўнасці насельніцтва ў перыяд выбараў прэзідэнтаў Расіі і Беларусі. Будуць працаваць і над агульным маладзёжным інфармацыйным рэсурсам Саюзнай дзяржавы.
Сусветны фестываль моладзі гэтымі днямі ў Сочы сабраў 20 тысяч маладых лідараў з амаль 190 краін. Беларуская дэлегацыя, дарэчы, адна з самых шматлікіх - у складзе нашай каманды больш як 630 чалавек.
