Новыя дыстанцыі для аматараў снежных забегаў у сталіцы. У парку Мядзвежына ў мікрараёне Сухарава адкрыўся новы лыжны маршрут. Даўжыня дыстанцыі - 1200 метраў. Тут спрабуюць свае сілы і пачаткоўцы, і вопытныя лыжнікі. Праводзяць трэніроўкі і юныя біятланісты.
Усяго лыжных трас у гэтым годзе ў Мінску 5: у Мядзвежыне, Курасоўшчыне, па вуліцы Цікоцкага, у Чыжоўцы і Вяснянцы. Ілья Цвяткоў апрабаваў новыя маршруты.
1200 метраў снежнай каляі сярод сасновага лесу па жывапісным маршруце. Новую лыжную трасу сёлета праклалі ў лесапарку Мядзвежына. У марознае падарожжа тут адпраўляюцца кожную раніцу аматары і прафесійныя лыжнікі.
Каб белае пакрыццё для лыжнікаў заўсёды заставалася роўным і камфортным нягледзячы на перапады тэмператур, дадаткова на трасе выкарыстоўваюць вось такія снегагенератары.
Снежныя маршруты падрыхтавалі па ўсім Мінску. На выбар лыжаролерная траса ў Вяснянцы або ў парку 900-годдзя Мінска ў Чыжоўцы, ёсць дыстанцыя даўжынёй 700 метраў у парку па вуліцы Цікоцкага. Лыжы, палкі і чаравікі на некаторых трасах можна браць і ў арэнду ў спецыяльна абсталяваных пунктах пракату.
Жыхары сталіцы спрабуюць свае сілы і яшчэ на адной новай трасе - у парку Курасоўшчына. Тут больш схілаў і хуткасных спускаў для аматараў перамяшчэння з дадатковым драйвам. Чысціню і якасць пакрыцця кожны дзень кантралююць, раўняюць з дапамогай спецтэхнікі.
Каля лыжных трас абсталяваны і схілы для катання на цюбінгах. Тут спускі на ватрушках для маленькіх мінчан бяспечныя. Акрамя таго, у сталіцы залітыя каткі і хакейныя каробкі ля школ. Такімі мабільнымі лядовымі арэнамі ахвотна карыстаюцца не толькі вучні, але і ўсе ахвотнікі.
