Зіма пачалася! Першы дзень снежня традыцыйна прыносіць не толькі халоднае надвор'е, але і шэраг змен. Сёння супрацоўнікі ДАІ пачнуць штрафаваць за язду на аўтамабілі з летнімі шынамі. Сума невялікая - палову базавай велічыні, гэта значыць 14 з паловай рублёў. А вось паўторнае парушэнне абыдзецца куды даражэй.
Настаў час авансавага плацяжу па транспартным зборы. Зрабіць гэта трэба да 15-га снежня. Паведамленні ўласнікам аўтамабіляў, зарэгістраваных у базе ДАІ, ужо накіраваны. У сіле і льготы для рарытэтных машын, электрамабіляў, скідкі для пенсіянераў і многія іншыя.
І застаўся апошні месяц для абмену старых беларускіх рублёў узору двухтысячнага года на дзеючыя купюры. З першага студзеня абмяняць старыя грошы будзе ўжо немагчыма. Гэту аперацыю праводзяць толькі ў сталічных касах Нацыянальнага банка.
Штраф за летнюю гуму, авансавы плацёж па транспартным зборы - новаўвядзенні снежня ў Беларусі
1 декабря 2021