TIBO-2022 афіцыйна стартаваў. Прэзідэнт Беларусі Аляксандр Лукашэнка накіраваў прывітанне ўдзельнікам і гасцям міжнароднага форуму, у якім адзначыў, што "Свет уступіў у новую эпоху, і Беларусь па праве ўваходзіць у лік краін, якія найбольш актыўна ўкараняюць працэсы лічбавізацыі ў эканоміцы, дзяржаўным кіраванні, фінансавай і сацыяльнай сферах".
Форум праходзіць ужо 28-мы раз і паспеў зарэкамендаваць сябе як эфектыўная перагаворная пляцоўка для спажыўцоў, бізнесу, экспертнай супольнасці і прадстаўнікоў улады. У цэнтры ўвагі практычныя лічбавыя рашэнні для ўсіх галін эканомікі. Кожны з удзельнікаў дзеліцца сваім вопытам, сярод экспанентаў нямала і прадстаўнікоў сістэмы адукацыі. Дзяржава гатова даваць зялёнае святло прыкладным ініцыятывам маладых людзей.
