Сенатары разгледзелі змяненні ў дэкрэт Прэзідэнта Беларусі аб замежнай бязвыплатнай дапамозе

Забарона выкарыстоўваць замежную бязвыплатную дапамогу на фінансаванне тэрарыстычнай і экстрэмісцкай дзейнасці. Сёння на пасяджэнні 6-й сесіі Савета Рэспублікі разгледзелі дэкрэт Прэзідэнта Беларусі № 7. Ён уносіць змяненні ў трэці дэкрэт "Аб замежнай бязвыплатнай дапамозе". Так, гэтыя сродкі нельга будзе выкарыстаць на дзеянні, якія могуць нанесці шкоду нацыянальным інтарэсам і бяспецы нашай краіны, у тым ліку і дзеянні, якія супярэчаць заканадаўству. Акрамя таго, усталяваны меры адміністрацыйнай і крымінальнай адказнасці за парушэнні дадзенага дэкрэта.

Таксама сёння на пасяджэнні 6-й сесіі выбралі Леаніда Зайца намеснікам старшыні Савета Рэспублікі. Акрамя гэтага, сенатары далі згоду на прызначэнне Ігара Карпенкі старшынёй Цэнтральнай камісіі па выбарах і правядзенні рэспубліканскіх рэферэндумаў.