Першы і самы жорсткі ўдар прынялі на сябе пажарныя і персанал атамнай станцыі. Галоўным героем так званай шэрэнгі №1 стаў Васіль Ігнаценка, імем якога названа адна з вуліц сталіцы. Ратавальнік пасмяротна ўзнагароджаны ордэнам Чырвонага Сцяга. Сёння ля дошкі памяці сабраліся байцы МНС, курсанты Камандна-інжынернага інстытута, каб ушанаваць памяць тых, хто цаной свайго жыцця падарыў будучыню мільёнам людзей.
Памятныя мерапрыемствы сёння праходзяць па ўсёй Беларусі. У праваслаўных і каталіцкіх храмах служаць набажэнствы аб загінуўшых і пацярпелых у выніку аварыі на ЧАЭС.
