На канферэнцыі, прысвечанай уступнай кампаніі, першы намміністра Вадзім Богуш, у прыватнасці, паведаміў, што сёлета скарочаны набор на некаторыя юрыдычныя і эканамічныя спецыяльнасці, а вось на шэраг хімічных і тэхнічных, наадварот, павялічаны. Статус маладога спецыяліста змогуць атрымаць платнікі, якія атрымалі накіраванне на працу. Атрымаць адукацыю ў беларускіх ВНУ бясплатна, на вочнай і завочнай форме, змогуць крыху больш як 27 000 абітурыентаў. Усяго ж плануецца залічыць каля 58 000 чалавек. Нагадаем, зарэгістравацца на ЦТ можна будзе ўжо з 2 мая. З гэтага года сертыфікаты не спатрэбяцца некаторым выпускнікам профільных педагагічных класаў.
Вадзім Богуш, першы намміністра адукацыі Беларусі: "Яны павінны мець рэкамендацыю педагагічнага савета ўстановы адукацыі, якую яны скончылі. І далей яны маюць права быць залічанымі без уступных выпрабаванняў, калі яны пройдуць прафесійнае сумоўе. Сумоўе будзе праводзіцца ў тым універсітэце, куды паступае абітурыент, у тэрміны, вызначаныя для тэрмінаў падачы дакументаў у гэтыя ўстановы адукацыі".
Падаць дакументы на бюджэт абітурыенты змогуць 12 ліпеня. Прыёмная кампанія завершыцца 6 жніўня. Што датычыцца кошту навучання, то, паводле слоў першага намміністра, ён стане вядомы бліжэй да пачатку новага навучальнага года.
