Аб гэтым заявілі ў падраздзяленні дзяржпрадпрыемства па абслугоўванні паветранага руху "Украэрацэнтр". Рэйс Кіеў - Мінск напярэдадні разгарнулі ў паветры за 50 кіламетраў да ўваходжання ў паветраную прастору Беларусі. Камандзіру судна паступіла ўказанне ад украінскага дыспетчара аб неадкладным вяртанні ў аэрапорт "Жуляны" без тлумачэння якіх
-небудзь прычын. Таксама было заяўлена, што ў выпадку невыканання каманды ў паветра будуць паднятыя знішчальнікі. У Жулянах праваахоўнікі знялі з борта грамадзяніна Арменіі. Пасля гэтага самалёту дазволілі падняцца ў паветра. Мужчына праз некаторы час быў адпушчаны на волю і адправіўся ў Мінск іншым рэйсам. Зараз Белавія мае намер патрабаваць з Украэрарух пакрыцця выдаткаў, звязаных з вяртаннем самалёта. Разам з тым, украінскі бок таксама пракаментаваў дадзены інцыдэнт, у прыватнасці, прадстаўнік СБУ Аляксандр Ткачук у інтэрв'ю ўкраінскаму тэлеканалу заявіў, што яны не збіраліся паднімаць знішчальнікі ў неба. Сувязь з украінскімі дыспетчарамі трымаў камандзір экіпажа "Боінг 737" Віктар Шышла. Дарэчы, яго лётны стаж складае 35 гадоў. Нам удалося атрымаць каментарый Віктара Шышлы. І вось што ён нам расказаў (відэа).
