Сталі вядомыя тэрміны правядзення трох этапаў рэпетыцыйнага тэсціравання. Графік апублікавалі на сайце Рэспубліканскага інстытута кантролю ведаў. Першы раз праверыць сябе будучыя абітурыенты змогуць з кастрычніка і да канца снежня гэтага года. Наступны этап стартуе ў студзені 2023 і завершыцца ў лютым. Трэці этап прызначаны ўжо на сакавік-красавік.
Каб зарэгістравацца, неабходна стварыць свой асабісты кабінет на сайце РІКВ. Унесці свае звесткі і падаць заяўку на ўдзел у тэсціраванні, паказаць форму правядзення, прадмет і мову, таксама месца з датай і часам. Пакуль у краіне вызначаны 12 пунктаў, у тым ліку 4 у Мінску.