З адрывам у паўсотні галасоў хлопцы прайшлі ў лік 24 удзельнікаў, якія буду змагацца за галоўны прыз у фінале тэлепраекта.
Аб групе падтрымкі, шанцах на перамогу і новых прыхільніках музычнага дуэта - у рэпартажы Наталлі Кузьміцкай.
Дзмітрыю Герасімчыку і Дзянісу Казею, а менавіта гэтыя імёны хаваюцца за дуэтам з незвычайнай назвай RAZ2SO4, мабыць, найцяжэй было рыхтавацца да ўдзелу ў тэлепраекце "Беларусь 1" народным шоу "Я магу!".
Кіламетры адлегласці не перашкодзілі падрыхтоўцы да кастынгу і ўдзелу ў паўфінале. Сустракаліся хлопцы літаральна на сцэне ў дзень выступлення. Да гэтага рэпеціравалі ў рэжыме анлайн, у сетцы.
Дарэчы, Дзіма ўжо паспеў засвяціцца на ТБ, кавер-версію на знакаміты "Чызкейк" Тэа карыстальнікі прызналі лепшай.
Аднак ідэяй паўдзельнічаць праекце "Я магу!" яго заразіў Дзяніс Казей, якому пасля сумесных запісаў стала зразумела, што разам яны абавязкова змогуць. Так з'явіўся дуэт RAZ2SO4, які сваім гумарыстычным рэчытатывам заваяваў журы і гледачоў шоу.
Тым часам дома ў Дзяніса Казея і хварэла, і спявала разам з дуэтам уся сям'я каханай жонкі. Выхад хлопцаў у фінал для іх стаў агульнай перамогай. Цесць Віктар Рыгоравіч так радаваўся другі раз у жыцці.
Жонка Дзяніса - Таццяна - толькі і паспявае зараз, што адказваць на рэспекты прыхільнікаў групы ў сацсетках, колькасць якіх вырасла ў сотні разоў.
Тое, што не толькі дуэт RAZ2SO4, але і ўсе ўдзельнікі шоу "Я магу!" сталі сапраўднымі народнымі ўлюбёнцамі, сведчыць і колькасць карыстальнікаў, якія сочаць за жыццём праекта "Я магу!" анлайн. Гэта 55 тысяч унікальных карыстальнікаў, якія наведалі сайт Белтэлерадыёкампаніі, і 90 тысяч праглядаў групы "Вконтакте". Уся Беларусь сёння глядзіць шоу талентаў і галасуе. Самыя актыўныя балельшчыкі жывуць у Мінску, Бабруйску, Гомелі і Віцебску.
Ужо 10 удзельнікаў сталі на крок бліжэй да перамогі ў шоу "Я магу!". Імёны астатніх шчасліўчыкаў стануць вядомыя яшчэ пасля 7 паўфіналаў. А ўжо 30 красавіка гледачы тэлеканала "Беларусь 1" вызначаць таго, хто забярэ галоўны прыз.
