Сталіца рыхтуецца да Еўрапейскіх гульняў, якія пройдуць у нашай краіне ўжо ў наступным годзе. Да важнай падзеі дапамагаюць будаваць сучасны Мінск, у тым ліку юныя беларусы. Напрыклад, сёння паўсотні юнакоў і дзяўчат студатрадаў БРСМ увесь дзень правядуць на будоўлі інтэрната ў студэнцкай вёсцы. Адзначу, сюды практычна штотыдзень прыязджаюць студэнты, каб наводзіць парадак на тэрыторыі.
Сяргей Клішэвіч, першы сакратар Мінскага гарадскога камітэта БРСМ: "Пачынаючы ад "Мінск-Арэны", Нацбібліятэка, гасцініца "Еўропа", "Прэзідэнт-гатэль", зараз вось рэканструкцыя стадыёна "Дынама", студвёска. Практычна на ўсіх аб'ектах працавалі нашы студатрады і аказвалі садзейнічанне не толькі ў рамках працоўнага семестра, але і ў рамках такіх месячнікаў, суботнікаў на гэтых аб'ектах".
Гэтак жа студатрады пастаянна ўдзельнічаюць у будаўніцтве школ і дзіцячых садкоў.
