За 301 дзень да старту II Еўрапейскіх гульняў Мінск практычна гатовы да правядзення гэтага мультыспартыўнага форуму. Большасць аб'ектаў здадзеныя і ўжо правялі тэставыя спаборніцтвы - зараз акцэнт на дэталі. Дробязяў пры падрыхтоўцы да галоўнага старту Старога Свету 2019-га года няма, таму працуючая моладзь краіны сумесна з БРСМ прысвяціла свой штогадовы фэст "Алімпія" II Еўрапейскім гульням. Мэта - папулярызацыя спартыўнага форуму, бо ад кожнага з нас залежыць, якой госці запомняць Беларусь.
Станіслаў Ліпскі, у тым ліку, з нецярпеннем чакае чэрвень 2019-га. Спартыўны фэст для працуючай моладзі "Алімпія" традыцыйна сабраў сяброў пад Ракавам на беразе Іслачы, сёлета слоган турзлёту: "Насустрач II Еўрапейскім гульням". Як следства - кожная каманда фэсту выступае ў вобразе краіны - удзельніцы галоўнага спартыўнага форуму будучага года ў Старым Свеце. Паводле жараб'ёўкі, Беларусь прадстаўляе зборная Дзяржаўнага ваенна-прамысловага камітэта
А вось абараняць флаг Азербайджана - краіны - гаспадыні першых Еўрапейскіх гульняў - выпаў гонар камандзе Міністэрства па надзвычайных сітуацыях, яны, дарэчы, дзеючыя пераможцы "Алімпіі".
Але перад асноўнымі стартамі ўсё ж цырымонія адкрыцця: як і на Алімпійскіх гульнях, парад удзельнікаў абавязковы.
16 зборных на працягу трох дзён вызначаць лепшага ў валейболе, футболе, тэхніцы пешаходнага турызму, конкурсе візітовак і многім іншым.
А пакуль адкрыты дыялог з удзельнікамі першых Еўрапейскіх гульняў і арганізатарамі аналагічнага спартыўнага форуму ў Мінску: Анатоль Котаў, Алёна Амялюсік, Аляксандр Багдановіч адказваюць на пытанні слухачоў, рэзюмуе гутарку алімпійскі чэмпіён Сяргей Макаранка
А вось стаць непасрэдна ўдзельнікам II Еўрапейскіх гульняў шанец яшчэ ёсць у кожнага - набор валанцёраў працягваецца да красавіка 2019-га.
