Паркі атракцыёнаў выходзяць з "водпуску". Адкрыццё сезона ў беларускай сталіцы плануецца 26 красавіка. Забавы для дзяцей і дарослых запрацуюць у парках Горкага, Чалюскінцаў і імя 900-годдзя Мінска. Усе атракцыёны прайшлі міжсезоннае тэхабслугоўванне.
З прыемнага для наведвальнікаў - цэны на білеты застануцца на леташнім узроўні. А яшчэ - для дзеючых мінскіх паркаў закупілі 5 новых атракцыёнаў. Каласальна абновіць сваё аблічча парк імя Уга Чавеса. Там запрацуюць 10 новых абсталяванняў і з'явяцца пляцоўкі для заняткаў экстрэмальнымі відамі спорту.
Падрыхтоўку да сезона з пачатку месяца кантралююць эксперты ад МНС. Да адной з праверак далучылася здымачная група АТН. Як рыхтуюць атракцыёны да функцыянавання пасля зімы? І на якія рызыкі ідуць людзі ў пошуку вострых адчуванняў? Пра гэта расказала Вікторыя Радзевіч (гл. відэа).
