Як бяспечна кіраваць веласіпедам, пераходзіць праезную частку і аказваць першую медыцынскую дапамогу - ведаюць юныя інспектары дарожнага руху. Свае навыкі яны прадэманстравалі на 49-м абласным злёце, які аб'яднаў 23 каманды з усіх раёнаў цэнтральнага рэгіёна і горада Жодзіна. Дарэчы, удзельнікі (а гэта вучні 4-9 класаў) зараз адпачываюць у дзіцячым адукацыйна-аздараўленчым цэнтры "Зубраня". Для атрадаў тэматычная змена "Маршрутамі бяспекі".
У выніку перамагла каманда юных інспектараў дарожнага руху Смалявіцкага раёна. На другім месцы Клецкі раён, на трэцім - Нясвіжскі. Прызёры прадставяць Мінскую вобласць на рэспубліканскім этапе. Ён пройдзе напрыканцы мая.